بسم الله الرحمن الرحيم
دعونا نتكلم عن بعض الحقائق و المواقف اولا :
١- عتصام الاخوان بدأ اصلا مساندة لرئيس ضد مظاهرات معارضة له و قبل تدخل اي عسكر في الموضوع
٢- فشل الاخوان و كذبهم بل و اجرامهم في مواقف كثيرة اصبح من الحتمي انهم ميكملوش في الحكم و كان قرار قطاع واسع من الشعب عمل انتخابات مبكرة لكنهم استكبروا و عاندوا و قالوا محدش طلع ضدنا و ده خدع سينمائية و هجس .. نفس عند مبارك في الحكم
٣- العسكر استغل غضب الشارع و عمل انقلاب عسكري شال به مرسي وسط تأييد شعبي كبير بعد رفض مرسي اي حل يمكن المساس بالكرسي
٤- العسكر استغل ثقة الناس فيه و طلب تفويض "محاربة الارهاب" .. و قتل الناس به و استغل الشرطة و البلطجية في عمل مذبحة تجاوز قتلاها ٧٢ "لو حنتكلم حتي علي الاعداد الرسمية" .. و ده مش عدد صغير في اشتباكات ابدا
٥- حتقولي اصله رد فعل لاعتصام مسلح .. حقولك لو كان مسلح بجد زاي ما الاعلام بيتكلم كنت حتلاقي حرب شوارع و مذبحة في الناحيتين مش ناحية واحدة .. حتي الفيديو بتاع الداخلية الي مصور الموضوع في تلت ساعة جايب واحد بس ماسك فرد خرطوش .. اتفق ان فيه سلاح لكن مش بقدر العنف الذي استخدمه الداخلية ضدهم
٦- حكومة الببلاوي فيها بلاوي .. وزراء من لجنة السياسات حزب الوطني .. الدميري وزير نقل .. محلب وزير اسكان و غيرهم .. امن الدولة رجع .. قانون الطوارئ علي الابواب .. ده غير الضبطية القضائية للعسكر.. انا مش عارف لو منزلناش علشان كل ده حننزل امتي ؟!
٧- فيه ناس كثير في رابعة لا يبالون بمرسي و لا الاخوان هم نازلين ضد انتهاكات العسكر و رجوع النظام القديم الممثل في الوزراء و امن الدولة و قانون الطوارئ و طبعا بلطجة الداخلية دول دمائهم في رقبتنا احنا لاننا لم نوجد لهم البديل و لم يجدوا فينا الا كل خنوع و سكوت لما يحدث كاننا موافقين بعد خلع مرسي علي كل ممارسات العسكر
٨- الاخوان بيستغلوهم صح .. بيقولوا فيه كتير مش اخوان مساندين الشرعية .. بيتاجروا بدمهم و بيتاجروا باسمهم فقط للوصول مرة اخري للكرسي .. و تاريخ الاخوان في تشويه الثوريين يبدأ من محمد محمود و مرورا بمجلس الوزراء الي احداث برسعيد و الاتحادية لا تنتهي ..
٩- من البسيط جدا و السهل اني اجيب اقوال من الاخوان نفسهم زمان ترد علي كل ما يفعلوه الان و يشوههم بلسانهم .. لكني لا استخدم هذا الاسلوب الرخيص كما استخدموه
١٠- انا كفرد حساند فكرة الميدان الثالث بكل قوة ضد الاخوان .. ضد عودة الفلول و الدولة القديمة .. ضد هيمنة العسكر علي السلطة ....حتي محاكمة المحرضين علي العنف في كل اتجاه .. و القاتلين في كل ناحية
١١- فكرة الميدان الثالث في رأيي اخطر علي الفلول و العسكر من رابعة لانها تحمل الفكر الثوري النقي الذي يتمسحون به الان و يقتلون باسمه .. لذا فان اعتقادي ان ينعزل الثوريين الشرفاء من كل ناحية اذا كان من رابعة الذين لا يبالون برجوع مرسي ولا بالاخوان لانهم يتاجرون بكم .. و من في التحرير و الاتحادية لان العسكر يقتل باسمكم .. الي التجمع علي نقاء الفكر الثوري مرة اخري
١- عتصام الاخوان بدأ اصلا مساندة لرئيس ضد مظاهرات معارضة له و قبل تدخل اي عسكر في الموضوع
٢- فشل الاخوان و كذبهم بل و اجرامهم في مواقف كثيرة اصبح من الحتمي انهم ميكملوش في الحكم و كان قرار قطاع واسع من الشعب عمل انتخابات مبكرة لكنهم استكبروا و عاندوا و قالوا محدش طلع ضدنا و ده خدع سينمائية و هجس .. نفس عند مبارك في الحكم
٣- العسكر استغل غضب الشارع و عمل انقلاب عسكري شال به مرسي وسط تأييد شعبي كبير بعد رفض مرسي اي حل يمكن المساس بالكرسي
٤- العسكر استغل ثقة الناس فيه و طلب تفويض "محاربة الارهاب" .. و قتل الناس به و استغل الشرطة و البلطجية في عمل مذبحة تجاوز قتلاها ٧٢ "لو حنتكلم حتي علي الاعداد الرسمية" .. و ده مش عدد صغير في اشتباكات ابدا
٥- حتقولي اصله رد فعل لاعتصام مسلح .. حقولك لو كان مسلح بجد زاي ما الاعلام بيتكلم كنت حتلاقي حرب شوارع و مذبحة في الناحيتين مش ناحية واحدة .. حتي الفيديو بتاع الداخلية الي مصور الموضوع في تلت ساعة جايب واحد بس ماسك فرد خرطوش .. اتفق ان فيه سلاح لكن مش بقدر العنف الذي استخدمه الداخلية ضدهم
٦- حكومة الببلاوي فيها بلاوي .. وزراء من لجنة السياسات حزب الوطني .. الدميري وزير نقل .. محلب وزير اسكان و غيرهم .. امن الدولة رجع .. قانون الطوارئ علي الابواب .. ده غير الضبطية القضائية للعسكر.. انا مش عارف لو منزلناش علشان كل ده حننزل امتي ؟!
٧- فيه ناس كثير في رابعة لا يبالون بمرسي و لا الاخوان هم نازلين ضد انتهاكات العسكر و رجوع النظام القديم الممثل في الوزراء و امن الدولة و قانون الطوارئ و طبعا بلطجة الداخلية دول دمائهم في رقبتنا احنا لاننا لم نوجد لهم البديل و لم يجدوا فينا الا كل خنوع و سكوت لما يحدث كاننا موافقين بعد خلع مرسي علي كل ممارسات العسكر
٨- الاخوان بيستغلوهم صح .. بيقولوا فيه كتير مش اخوان مساندين الشرعية .. بيتاجروا بدمهم و بيتاجروا باسمهم فقط للوصول مرة اخري للكرسي .. و تاريخ الاخوان في تشويه الثوريين يبدأ من محمد محمود و مرورا بمجلس الوزراء الي احداث برسعيد و الاتحادية لا تنتهي ..
٩- من البسيط جدا و السهل اني اجيب اقوال من الاخوان نفسهم زمان ترد علي كل ما يفعلوه الان و يشوههم بلسانهم .. لكني لا استخدم هذا الاسلوب الرخيص كما استخدموه
١٠- انا كفرد حساند فكرة الميدان الثالث بكل قوة ضد الاخوان .. ضد عودة الفلول و الدولة القديمة .. ضد هيمنة العسكر علي السلطة ....حتي محاكمة المحرضين علي العنف في كل اتجاه .. و القاتلين في كل ناحية
١١- فكرة الميدان الثالث في رأيي اخطر علي الفلول و العسكر من رابعة لانها تحمل الفكر الثوري النقي الذي يتمسحون به الان و يقتلون باسمه .. لذا فان اعتقادي ان ينعزل الثوريين الشرفاء من كل ناحية اذا كان من رابعة الذين لا يبالون برجوع مرسي ولا بالاخوان لانهم يتاجرون بكم .. و من في التحرير و الاتحادية لان العسكر يقتل باسمكم .. الي التجمع علي نقاء الفكر الثوري مرة اخري
١٢- نحن في مرحلة بناء جديدة و يجب الا نسكت علي اخطاء في مرحلة بناء علشان نعدي موقف او نعدي ازمة فنحن لسنا في حمل هد و بناء من جديد و لا في حمل بس نخلص من الاخوان و نبقي نفوق للعسكر .. المشكلة انه ساعتها حيسخدم نفس الاعلام القذر ضدنا و اي حد حيتكلم حيبقي مساند للاخوان و الارهاب و يتسجن .. و حيكون النظام القديم رجع خلاص .. و يبقي كان الثورة لم تكن اصلا ..و كأنك يا زيد ما غزيت !!
ضد الاخوان ... فلول ... عسكر ... بلطجة الداخلية ... عهر الاعلام ...
الثـــــــــورة مســــــــتــــــــــــــــــمرة